[食評] 開心大發現

餐廳資料:浜滝 (九龍城)

今晚忙過龍,餓到個肚打曬鼓先知道原來已經9:30,就立刻收捨去搵野食。

最近天氣都好涷,餓起上黎個人都特別攰、個腦只係不停諗住要食啲熱辣辣既野,但具體食乜就真係摸不著頭腦。

系條街行黎行去、雖然見到好多粥粉麵飯泰式韓式越式餐館仲開住,但都係無法打動我今晚既芳心。直至我見到有一塊非常燦眼既招牌強行映入我瞳孔 – 「浜滝」…嗯、此刻我完全無去諗到呢個名係同海產有意思。只知道係日式餐館就衝左入去,個腦只諗住「日式豬扒丼」。

10:00pm 入到去,拉開趟門就有位樣似16-7歲既靚仔哥哥招呼左我埋枱,臨收工前仲有單拖客黎到都仲咁態度親切,抵讚。

咁夜黎到仍然見到有兩枱人食緊飯、即係個爐仲未收,好彩。

餐廳環境有啲仿照日式小酒館既設計,但所有既枱都係西式酒吧既高腳枱櫈,好fusion。牆上仲有部大電視、播住日左新聞台。我唔知有幾多人識聽日文或睇得明、但令場內添上左薄薄一層日本氣氛。總好過播啲咩英超西甲、嘈到暈,至憎。

Menu上既菜式唔多,計埋飲品都係得十頁左右。搵黎搵去都搵唔到豬扒丼、初時有啲失望、但見到拉麵果頁幾正、岩晒我依家有餓又涷既狀態。個「制霸拉麵」睇落好似幾正、想挑戰下點制霸法但可惜話無曬。

最後就決定揀左個「濃厚醬油拉麵」+「大阪燒餅」

一個人食個份量好似係大左啲、但無諗到我一個人都係食得曬。

濃厚醬油拉麵 – $83
濃厚醬油拉麵 – $83

濃厚醬油拉麵:⭐️⭐️⭐️⭐️

深鍻色既湯底味到好濃!不愧為濃厚醬油,但對我來講有點兒過咸、沾麵食係好味、但要飲就太膩了。

白雪雪的叉燒薄薄兩大片,味道唔錯、貪心啲希望佢再多少少肥肉,但摸摸自己肚腩啲肥肉後係瘦肉多啲好啲。

溫泉蛋一大隻。食過好多日式拉麵都係俾半隻,有全隻食算係對得住呢個價了。食落非常流心,但濃醬油有點蓋過蛋的味道,算是一點美中不足。

大阪燒餅 – $78
大阪燒餅 – $78

大阪燒餅:⭐️⭐️⭐️⭐️⭐️

我只能致以最單純概直接的評價給這一道菜 – 好味。曾食過好多不同餐館的大阪燒既我只能說這裡的大阪燒的材料配搭最夾、粉漿濃稠適中、配料足夠、醬油不會過多變成食醬,酸甜度令人很開胃。是我絕對會翻啅既美食之一。(謎之聲:全套菜單的小食我定了!….)

是次晚餐

濃厚醬油拉麵 $83

大阪燒餅 $78

總括來講,這次算是我的開心大發現。在餓到盡頭的關頭對味道的感覺可能過度寬容,但該大阪燒我真心真意覺得好味。店裡牆上仲寫左好多推介菜式,日後必定會回去再試一試、尤其是制霸拉麵、究竟有多制霸……

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s