[食評] 唔多舊魚就Perfect池!

餐廳資料:Grand Restaurant & Bar (新蒲崗)

今日情人節、特登放半晝同老婆出去撐枱腳同行下街街。雖則已經接近老夫老妻既地步、啲大時大節整色整水既野依然少不得。情趣丫嘛…

同老婆大人食飯、我一向都係俾佢揸fit,佢想食乜就偏向佢口味,我相信有好多男人都係咁。唔係話男人無主見、係好多男人都好憎左諗右諗又度呢樣又度果樣。係男人既就決定左今日食中餐就中餐、西餐就西餐,咪同我扭扭捏捏!係咪好大男人?所以咪留俾女人揀囉、咪話我地唔民主 😂 

題外話都係唔講咁多。

今日系Mikiki行街時老婆大人話想食西餐,又唔想再行咁遠行出街慢慢搵、就去搵商場水牌search一search。見到樓上2樓有間未試過既新餐廳、去門口𥄫下個lunch menu有啲岩key、間新店睇落又幾闊落就入去試試。

一入門口有兩個靚靚大卡位、可惜有人坐緊、無機會享用。餐廳裡面環境幾靚、裝潢同設計好明顯落足本錢。個人頗欣賞佢既窗簾既運用,間單既橫紋半透式拉簾,採光足夠之餘又唔會燦眼。一條條既光線斜斜咁射入黎影相仲幾靚添。0

好大部電視播新聞
餐廳最裡面的坐位

全場唯一大缺點就係個大電視。其實呢度又唔係酒樓,又唔係Conference Room,整咁大個電視系度其實真係好格格不入。但既然餐聽個名寫到名係”Resturant & BAR” 就當你夜晚要變身做間Bar俾人飲酒睇波… 但日頭仲係Resturant時可唔可以熄左個電視等個場靜番啲?又或者播啲管弦樂搞下氣氛都好過開個新聞台勁loop新聞同財經,咁入到黎都好難放鬆同專心食飯傾計。

2017年2月14日set  lunch  menuLunch Set Menu 簡潔明瞭,老婆想鋸扒所以二話不說揀左個「燒穀飼牛西冷紅酒汁」,而我就揀左我至愛既意大利飯「蕃茄忌廉汁海絴意大利飯」。

由於我地都對個沙律無乜興趣,又想飲啲熱野䁔下胃,所以一律揀左餐湯。0

是日餐湯 (綠豆蓉忌廉湯) – 大大Pat忌廉!

是日餐湯係綠豆蓉忌廉湯,個湯既味道其實都唔差的,金寶湯質素但尚算足料。唯獨湯面果一大Pat忌廉好搞笑,差不多有半球雪糕系面。好奇下試過啲忌廉仲係堅涷既,同啲湯攪勻後啲湯就有啲唔夠熱,但總括黎講尚算OK的。

隨餐附送的法式小餐包有牛油同黑醋任均選擇,個人好Like黑醋所似餐前開胃菜我係食得幾開心的。

食完個包兩個餐幾乎同時送到。唔駛搞到同枱得一個人有野食呢方面我覺得做得唔錯的。

我覺得上菜既時間控制呢樣係西餐廳應該要為顧客考量既基本問題黎。一班人系茶餐廳食碟頭飯就無乜所謂,但西餐廳系呢方面都算係對顧客既一種尊重黎。0

蕃茄忌廉汁海絴意大利飯$ 80

呢個始終係自己個飯黎,感受較深就講左先,

蕃茄、忌廉汁同芝士既配搭算係烚到好處,酸酸甜甜的蕃茄汁和芝士的香濃在洋蒽同少量的蒜交織着相當美味的樂譜,帶咬勁既珍珠米令人食起上黎相當醒胃。清左腸既蝦同雜菌都相當新鮮。但奇妙地呢個意大利飯居然仲埋藏左碎鱈魚柳條系裡面,某一兩舊食落有陣好強烈既冷藏味。明明餐牌上都無寫有魚,加多左落去如果好味既話都可以話當大贈送。但呢舊有強烈雪味既鱈魚完全係出黎搞破壞,明乎其實既「多舊魚」。0

燒穀飼牛西冷紅酒汁 - 新蒲崗的Grand Restaurant & Bar
燒穀飼牛西冷紅酒汁$ 138

老婆鐘意食七成熟既牛扒,對於五成都嫌太熟既我黎講其實唔應該去評論塊扒軟唔軟熟。但被餵食過幾片(借啲兒放閃?)驚覺七成熟都算軟熟。雖然唔算非常有牛味,但尚算夠Juicy,唔多筋。紅酒汁調較得幾好味,但唔算好深刻,所以唔講咁多了。0

是日甜品是日甜品(一粒橙肉+幾粒柚肉+碎蒟蒻)

因為唔知叫咩名,唯有咁拆散黎叫住先。賣相麻麻,尤其是上枱時見到滴到四圍都係。睇落似楊枝甘露既䄂珍版,但食落幾清新,水果既酸同蒟蒻既甜幾夾,食完感覺好似食左飯後果咁,但又一啲都無裹腹感,係一個唔錯既結尾。

餐飲 – 熱奶茶

唔錯的普通熱奶茶,完。

是次午餐 (二人前)
Set Lunch 蕃茄忌廉汁海絴意大利飯 $80
Set Lunch 燒穀飼牛西冷紅酒汁 $138

總結

不過不失的一間西餐廳,如果唔係坐近電視既話都算係傾計既好地方。食品其實味道可達到中上的,但雪味鱈魚真係令我扣唔少分,祈望下次有機會再幫襯既話會令我感到再滿足一啲。這家餐廳的待應其實給我印象幾深刻的,因為個個都初四咁既面口,呢個現像令我地猜度班待應係咪今年未收開工利士等八掛云云。但經理的招待是相當之欣勤的,如此強烈對比令我地深信該經理應該就是老闆…(誤)

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s