餐廳資料: 吃吧 Chiba

注意事項：最好訂左位先｜小型輪椅入到 ♿️

臨近聖誕，總會多點聚餐。也許人老了，對熱鬧的氣氛總感到有點抗拒。今天就同兩位餓狼朋友黎呢間樓上食吧聚一聚。

以地理位置黎講，橋建大廈都算系一個相當方便既位置，即使係第一次去都唔會太難搵，只係鉝好慢，仲要等一部，唔怕行樓梯的就跑上二樓好過排隊等鉝。

餐廳空間雖小，但擺枱明顯有用過心，店主佛心地無用盡餐廳內每一寸位置，所以雖則餐椅都係鐵櫈但算坐得舒服。

三個麻甩，可以食乜？答案係見野就嗌，差不多菜單上每一樣食物我地都想嗌黎試下，因為大部份菜式，尤其小食，都係一啲甚少見或未見過既菜名…

最後靠著僅餘的一丁點理性，歸納為四個小食同三份主菜… 而正常我地打算照計劃order個大沙律之際，酷似老板娘的侍應大姐話個大沙律真係好大份，怕我地食唔晒… 既然有人建議，而我地都唔清楚呢間餐廳既份量，咁就轉左個細沙律。

正如圖所見，個沙律杯逗留系枱上的時間都唔夠2分鐘，我地每人分到一小碟就KO了。加左溫泉蛋的凱薩沙律，多了蛋黃的濃淍感，雖然眼見唔多沙律醬，但蛋白和大量的碎芝士已完全取代了沙律醬的位置。只係份量對我地呢三位餓狼真係有點太少了。

驟眼睇，兩個小食都好似樣下，但其實擺盤甚不同。左圖的薯條是用小木碗盛住既芝士薯條，而右邊的炸雞塊，係用點心蒸籠裝住的，寓意應該係台灣菜式咁解。會對擺盤放心思的，厨師必定係一個好享受烹飪的人。

好一個鴛鴦薯條，個名夠晒直接，唔似得中菜咁聽完搲爆頭都唔知係乜黎。呢個鴛鴦，未食都知係薯條（薯仔）同番薯條既混合體。食落硊口但算乾身，似是炸過後已吸過一陣油。無落鹽，調味都係全靠藍芝士醬。幸好芝士醬味濃，否則可能會好肉酸咁嗌要茄汁 XD

如果食過豪乜乜雞排所出既雞粒，應該會覺得同呢味菜好似。只係呢味加了蜜糖，食既時候除左會食到炸雞及咖哩粉的咸辛味之餘仲會食到甜味，調味的配搭令呢味重口味既炸乜變得好輕盈，食完都唔會覺得好膩。

炸意大利芝士飯糰

原先為「軟殻蟹肉醬千層麵」，但侍應話無肉醬，轉左做波菜。唔知呢個係改左menu 定係得今晚係用晒肉醬… 但食入口依然令大腦有錯覺會以為入面都有肉醬。唯獨闊麵麵粉略厚，食落有點粉，但調味同隻大軟蟹算能補救。

露荀煙三文魚大啡菇意大利飯

我好鐘意食意大利飯，每一種意大利飯都有其特色。而呢個較軟身的意大利飯，特色都係靠煙三文魚的味道配搭。食既時候最好連煙三文魚餸住食，否則會略嫌意大利飯既口道偏淡。

相信喜歡食飯打咭的朋友，都應該好想叫呢味餸黎打下咭。咸豬手本來都已整熟，埋枱時再用火燒一燒，令豬手表皮更硊，內部的脂坊及內汁都熔起黎。但攤涷左就會好難食，所以要好似啲老人家話齋，要趁熱食啊！

落左爆炸糖系底既心太軟，頭實在放左太多無謂的配件了，心太軟我都係喜歡Less is More 。味道中規中矩，並沒太多驚喜。所以我地都只嗌左一件。

是日晚餐

• 蜜糖咖哩脆雞 $68
• 炸意大利芝士飯糰 $78
• 藍之士駌鴦薯條 $68
• 凱撒沙律 $78
• 軟殻蟹波菜千層麵 $148
• 露荀煙三文魚大啡菇意大利飯 $158
• 德國咸豬手 $228
• 心太軟 $58

總結

今餐連埋飲品，賣單三個人差不多每人接近$400 ，其實都唔平。但計埋味道上的新體驗，同埋同老朋友相聚聊天的時光，呢個價錢幾實好抵。呢晚我地食完都坐左成45分鐘先離開，侍應哥哥仲好殷勤咁不停幫我地斟水，實在好抵讚。

香港餐廳加油💪