最近開Netflix，除左追睇「機醫2」之外，偶有興致都會搵套未睇過既戲黎餸下飯。每次見佢介紹新片都會彈《浪客劍心・最終篇》出黎。話晒以前都相當喜歡劍心呢套漫畫，又系網上見到佐滕健為左套戲練到好似真係識飛天御劍流咁。

即使動畫真人化擺到明伏，都會忍唔住支持下（但我對前篇即《浪客劍心》無興趣，所以無睇）

首先我強調，我唔理你有無睇，我都會有乜講乜，怕劇透既自己閃。

呢部最終篇，故事取自單行本14期152幕既「十字刀疤還在嗎」為開端，雪代緣浦頭然後搵鯨波開炮炸紅牛火鍋店為序。成個開場做得相當貼近原著，原本太平安逸既京都就因為呢一下頭炮（漫畫裡面只係開左一炮，電影開左好多炮…）變成左一片火海。

鯨波既外型我覺得可算不過不失，真係要扮得似既話我諗只有cosplay笠個膠瞉先得。但… 但係左之助呢？

每次見到左之助我就𨳒唔住要爆粗。先唔講我本身幾喜歡左之助呢個角色，尤其是成長後既左之助。

雖則高手都唔係事必要靚仔有型，但都唔係咁甩皮甩骨架‌！

青木崇高個外型除左似個邋遢大叔之外頂多似個丐幫卒仔，仲要系個場邊不停亂嗌… so sad

系漫畫中佢既型像係粗之大葉，不修篇幅，同埋即使佢成長完都仲係最弱雞果個，但都未至於成隻野獸咁，仲要被雪代緣打到變豬頭咁，名符其實變左隻野豬…

由紅牛火鍋店被炸後，故事好快就已經衝左入直路，警視廳四眼署張俾雪代緣既「六人同志」襲擊，齋滕一俾十刃阿張洗鑊金既等等。系漫畫中有輔陳交代既「六人同志」期本上都被輕輕帶過，變成雪代緣口中所講對劍心同樣懷有怨恨既「同志s」… 至於果班「同志s」對劍心懷著咩怨恨？

都係唔好幻想電影版會有篇幅去交代喇… 班同志連個名都無留低就俾人做瓜左。

雖則系電影中，仲會睇到某啲人物既掙扎位，如彌彥自覺幫唔到手，以及薰對雪代巴既同情同理解等等… 但去到電影尾段收功都唔見再有呼應位，即彌彥既獨立，同埋薰睇完日記後對雪代緣既同情位等等…

其實如果唔夠時間交代既話，呢啲細節野真係不如唔好落..

薰俾人帶走，劍心單人匹馬闖陣果幕仲要玩到勁老土VR戰隊咁…「劍心，去吧！前進吧！」 真係骨都痺埋。

最搞笑係亂入個瀨田宗次郎番黎幫埋劍心一份… 可能之前果幾集打志志雄果陣劍心收左宗次郎入後宮喇… 我都唔想再吐糟呢一幕…

當睇下特技算

當宗次郎自告奮勇幫劍心頂晒後面班二打六之後，呢部電影終於要去到最高潮既部份… 劍心 vs 緣

嘩，飛天御劍流 vs 倭刀術 喎，漫畫中畫到兩個人鬥輕功咁，真人版… 都預左唔會點吊威也架喇，取而代之用速度感同比劍既密度黎做出高手過招既氣勢同真實格劍感。

呢幕打鬥的確係做得唔錯的，只係當所有招式名都蒸發晒之後既鬥劍就變成左一片吶喊。而原本系漫畫中應該屢佔上風既雪代緣變左同劍心勢均力敵。

漫畫中雪代緣系最後一招輸俾已經俾佢破解過既天翔龍閃，主因係劍心系最後一刻消除迷網向前踏出一大步，果步重心腳越踏前，天翔龍閃既威力就越強咁解。作者深一層意思都係想講劍心唔再對雪代巴同自己既過去所迷網，要向前活出新既未來咁既意思…

系電影中真係提都無提過…變成佐滕健捉住新田真劍佑隻手臂，然後你眼望我眼咁講「我隊你唔住！」既大叔的愛… 頂你睇到我心都寒埋

一個姐控𡃁仔為左報仇遠走他鄉屯積實力番黎進行報仇大計，居然會系最後一刻良心發現，呢幕系原著漫畫就連作者自己都𨳒自己牽強，電影版呢幕直頭俾佢改到好似雪代緣其實暗戀左劍心好耐，嬲豬劍心上左佢家姐無上自己咁…

而雪代緣因為擄走薰之後發現佢有家姐影子，先會系最後一刻似本能反應咁救薰果幕都係奇乸怪，雖然漫畫都係咁交代，但系戲入面真係雪代緣活捉佢番黎之後等薰瞓醒就話想掐死佢完成人誅… 之後又一直手扣都唔落就俾薰自出自入…

做咩啫！

好地地一套漫畫改到甩皮甩骨咁，無睇過漫畫既我唔知睇完套戲會對本漫畫會提起幾多興趣，總之事實一再證明漫畫改篇真人真係好伏。

唯獨可以一讚既，佐滕健係演得幾入型入格，有村架純飾演雪代巴係正既…

雪地果幕回憶係拍得靚既

對呢部電影既機燈野鏡頭擺位已經無心機研究

完