《味精症候群》EP4 – 草泥馬農場Behind the scene

In BTS, 短片, 影視娛樂 Movie by 壞人井Leave a Comment

話說拍呢個景、我地特登提早一日同導演監製美術一齊拜訪呢個農莊,話晒要借人個景拍野,打個招呼順便睇景,再問埋場主有無咩特別注意既事係基本,都多得有Buber幫忙做中間人先有機會借到呢個咁靚既農莊黎拍。

圖中係早一日Yoyo現場排戲情況,不過對手係buber 同埋副導阿榮。

如圖所見,睇景當日天氣好好,我地花左大半日時間系農莊邊行邊度,睇下有咩位可以俾Alma(震偉)玩之餘,由於呢一日會比較多日景shot、又有小朋友演員,時間安排上都想安排得盡量精準…

點知第二日都係中左果個拍野魔咒,睇景果日就風和日麗,第二日開工就天陰有雨,雖則多雲的天氣對拍外景黎講係方便既,但少少陽光都無,仲要陰天見黑雲果下真係激死… 又係怨導演開工無拜神既時間

最後EP4震偉同班小朋友一齊跑既果個shot,其實仲拍左一個top啲而且反向的。因為原本導演係想用地面同環境黎寓意一啲更深層的意思… 但最後應該因為剪接既流暢度,全部都抽起左,或者有興趣想知道原因既,不仿搵個機會系Live問下佢本人 🙂

每次做後期既時候都係滾水淥腳咁,而當我收到預告個lock cut 時,見到alma 迎面跑黎個shot就覺得好唔舒服 🙁 因為個天真係白過張A4紙,剪埋落之前既shot 之後會特別覺得呢個shot 好暗。當然當日拍果陣其實都已經係陰天開始有雨果隻… 仲要我地無資源去做隻火數高既燈黎扮太陽…(所以呢個shot係無落燈)我可以做既唯有盡量去系調色上調番似日頭好陽光。

但因為個天系個畫面個比例實在太大既關係,無論點grade都係陰天,唯有硬住頭皮key 個假既天空落去…個天空中間其實有條彩虹,不過唔想太過假所以其實只係將個天空set到好淺色…

而最後呢個黃昏shot我都只係因為EP4既”Last Lock Cut”既sequence 黎改番個tone,因為拍果陣其實已經係無晒陽光,但都係果句,為左令到成條片睇落唔太突兀,故事上翊翊同朋友都係系農場問口等左好耐,所以就grade番個黃昏俾佢 😛

最後希望大家睇片時都不忘Like一Like,comment & Share下。

明白可能對你黎講可能唔知睇緊乜,但我想表達既係無論結果被認為如何,我地每個崗位既人都有落足心機,希望拍到啲令人睇得開心既短片,有機會有心機再紀錄下其他BTS事情…

《味精症候群MSG》EP4 – 弓米弓

出品人:潘正峰 Jason 監製:馮海銳 Yoyo 編導:老凱麟 Ivan 編劇:唐翠萍 Iris 演出: 馮海銳 @yoyofunghoiyui 郭爾君 @alma.meow 宋瑞康 @freakdaniels 李穎琛 @coco_lws 蔡寶欣 @ponychoiiiii 鄧偉傑

發表迴響