自2015年開始使用我的第一個Bellroy 銀包之後就一直用到依家無轉過款。系網上其實都好容易會見到Bellroy既廣告，証明呢間公司一直系網絡廣告上都投下好多資源… 而每當我見到Day1 & Day1000既廣告，就不禁令我望望自己既銀包既狀態…

日日用，好難免會用得好粗，用左1000日邊可能仲咁靚架…

我自問又唔會拎個銀包去磨去撞，最多就係放入背包時或者坐系椅上面時候同條褲磨到咁..

但兩邊摺叠駁位果度真係一個重災區.. 包線不特止，都已經去到穿隆既境界，我都唔知點解會爆到咁… 但數番日子，直至寫呢篇blog為止，其實我用呢個銀包已經用左2845日差不多接近8年。有殘有爛其實都算好正常。以功能上黎講無爛到跌咭跌錢已經盡其職能。殘唔殘都係主觀地想個銀包靜仔番啲咁…所以，我就決定

再買一個 🙂

同以前用一個牛皮紙包裝袋既外包裝唔同，今次用左個靚盒去盒住個新銀包（但係我都係鐘意以前個包裝多啲，又用得番）

我自認係屬於比較長情的人，尤其是呢類隨身物品，用過好用，我又鐘意果隻色既話我就會買番個一模一樣的。相對咁講，都可以話未有另一隻顏色吸引到我… 啲黃黃綠綠藍灰黑淺啡都係唔夠呢隻色好睇。

Day1 同 Day2845既合照，如果就咁睇，其實除左個邊位爆開左之外，又真係似Keep得唔錯…