由 壞人井 發表的所有文章

Filmmaker | DP | Photographer | Silly Father

Raptor 低光測試

早前在M+同時拍下了幾段低光下的footage… 在Davinci 下嘗試了將ISO及曝光拉到極限可接受的程度,再加了一點denoise。

雖然畫面雜訊始終不及A7s3, 但論層次感始終有着本身優勢。只是需要強大一點的電腦而己。

往後要再試一下更極端的情況。

快快食晚餐

Boxing day,但一直坐在電腦前工作。眨下眼就2000… 今晚唔煮飯,嗱嗱聲去買個外賣好過…

盡量每人強逼自己拍啲野,費時俾自己得閒再諗野…

今次完全用手機個insta360 app 剪片,比想像中方便,好過output出電腦再剪,最方便係都有幾多唔錯既音樂可揀。用黎出social media 其實夠用。

Christmas 2022

M+真是很多人… 也太多人了,園區的佈置實在很隨便,一棵大樹然後掛上燈飾就完了。所以都只會見到聖誕樹的LED在不停變色… 其實造一棵有層次感一點的聖誕樹,成本應該都差不多吧,只是多放一點會反光的飾物,LED 的分佈不要這麽平均就已經好得多…

算了,掃慶的事情不想多說。昨日收工經過M+,就停下來拍一下眾生相…也順便測試一下8k + 6k 影片交叉剪接後的感覺…

Gear used :
Red V-raptor VV
RF 28-70mm f/2
Edited and graded in Davinci Resolve 18.1.1

只想說今年想正常一點地過聖誕也是不是隨便就能如願。算了,再想也無謂… 以後一個人好好地過吧。

迷失時,需要吹吹風

最近總是有點忐忑,無論做任何事都提不起勁。再加上天氣變冷後,更加唔想走出被窩。腦內的正正子不斷訓斥自己唔可以再係咁,但無奈負負子力量太過強大,加上系世盃時差的影响下,無論正負對決幾多回合都好,都係負能量大勝。

幸好早前有的起心肝主動去學一直想學玩既單輪,就決定一有機會就帶下佢出街"散步"。

意想不到家姐對單輪都相當有好奇心,只可惜香港一直將呢種代步工具視為犯法🫠 唯有系有限度既情況下、例如行上山時、用佢黎幫手推個袋上山🤓

上次黎畢架山我諗都已經5-6年前、但上黎呢個位影日落風景、都已經十多年前的事(上次上畢架山)。耐無上黎真係唔知…原來以往可以用黎影日落既位置、同寶馬山一樣、啲灌木越生越高…已經高到一個連升起晒腳架、都未必可以順利影到風景既高度了…難怪每次系Facebook 見到有人po呢個景、都係出自航拍機的照片。

以啲樹木既生長速度、應該再多十年就唔會再影得到呢個景
影到呢個位都係會見到啲樹業、避唔開🫠

相比起十年前的心境,今日感覺自己對影唔影到靚相已經唔再執着了。都無以前咁貪心、今日只帶了canon R + 16mm f2.8。袋內其餘的空間就放了一罐汽水和一個蘋果、邊看着夜景邊享用全日的第一餐😋

在我看中、今天的香港燈光依然熣燦。但感覺是掙扎中的殘火火光…

Bellroy Hide & Seek 銀包後續使用報告

自2015年開始使用我的第一個Bellroy 銀之後就一直用到依家無轉過款。系網上其實都好容易會見到Bellroy既廣告,証明呢間公司一直系網絡廣告上都投下好多資源… 而每當我見到Day1 & Day1000既廣告,就不禁令我望望自己既銀包既狀態…

日日用,好難免會用得好粗,用左1000日邊可能仲咁靚架…

繼續閱讀 Bellroy Hide & Seek 銀包後續使用報告