Bellroy Hide & Seek 銀包後續使用報告

自2015年開始使用我的第一個Bellroy 銀之後就一直用到依家無轉過款。系網上其實都好容易會見到Bellroy既廣告,証明呢間公司一直系網絡廣告上都投下好多資源… 而每當我見到Day1 & Day1000既廣告,就不禁令我望望自己既銀包既狀態…

日日用,好難免會用得好粗,用左1000日邊可能仲咁靚架…

繼續閱讀 Bellroy Hide & Seek 銀包後續使用報告

網綕重新出發?仲黎?!

不經不覺由xanga 開始經營blog 已超過二十個年頭。中間試過無限次放棄更新和數之不盡的推倒重來。

但無論我點重新寫番blog 又好、放多啲相片系度、又或者不停見異思遷地換theme也好,唔駛幾耐又係儲埋一大堆草稿然後停左更新。曾經反思過好多次,點解會咁難維持?點解無乜人睇同埋留言?係因為內容無乜吸引力?定係啲相唔夠吸晴?

最近系啲舊email入面,偶然見到一啲以前用xanga時,讀者留言既通知email(係,我仲有留低無del) 然後忽然諗起一個問題… 以前用xanga 時,最初開blog的目的,除左因為當年的女朋友貪新鮮有開blog,其次就係單純想當日記,將當日覺得有趣的事,或自己偶爾諗到既野,放系blog上留個紀念。直至後來先開始post一啲風景相,但主要都係留念為主。最初blogging 既動機及原因,完全出自個人。

到後來多左影人像相,及之後直程入左行做製作,覺得需要多post啲相或片黎令客戶或其他人多認識自己既作品… 先會令我想將個blog由xanga轉移到wordpress (都有xanga經常初hack account 及想用多啲plugin幫手整靚個網站的原因) ,及後來動不動就去改下個版面等動作。

見到外國有啲protfolio網站做得好靚,又想落手將個wordpress改成自用及商用相通等。不知不覺將更新網站同blog 變成一年很有壓力的事。

諗番起,真係好多餘。

其實最好最舒服都係做番自己,按番自己的步伐來維持,先會係最好。

有時上外國或台灣的攝影3C網站,都會好羡幕點解佢地仲可以保留有forum 同網誌,仲係會有好多人睇同討論、好熱鬧,但系香港基本上莫話網誌,好似連啲youtube channel 都係講緊做到就執就執咁。可能正因為網誌同討論區的時代就如沖落廁所果舊屎一樣,一去不復反。

Filmmaker | Photographer | Blog