分類彙整:Reviews

Reviews of Camera, Lens, or computer parts.

給所有網絡工程人員的一個致敬

由於需要調色及剪輯的影片日漸增多,external hdd 經已多到不勝負荷。SSD 的容量大小也實在沒法應付 Raptor 的8k Raw,隨便一個Project 都可佔用2-3TB的容量。加上不想電腦的I/O太早被我玩殘的情況下,最經濟實惠的方法都是升級一下現在在用的NAS (Synology 1621+)

一直以來的對這台NAS都是相當仁慈的,只是用來作第三方暫存或與客戶交付檔案的雲端網盤。使用率最高的套件都是Download Station,CPU 和Ram 長期使用率都不會超過25%,6個Bay 也只用了4個HDD,總容量都只有24TB (8+8+4+4) 。在原本已加上20GB Ram 和加了一條1TB M.2作緩存的情況下,我覺得這台NAS的效能已足夠使用很久,一直在等待有需要時才再考處作進一步升級的打算。

踫巧農曆新年後 M.2 SSD 和機械式HDD 都有明顯的減價,就逐點入貨升級的零件(HDD、SSD、RAM 和網卡)作升級準備。當然我也做足功課,參考了官方配件清單和網上的使用影片。最後購 E10G21-F2(因為最多人使用這張…)

而煩惱就由此開始…

雖然在朋友圈中,自己可算是電腦高手,但我對光纖網絡的認識其實如同新手,買番黎先知道原來仲要加SFP Module先可以用,唯有上網買粒 SFP – RJ45 Module 來用。要轉RJ45的原因係因為部Mac Studio 只有一個10Gbe 既RJ45端口,所以無論點都好都會需要RJ45頭。

無輪我點整,整點我輪無,我駁埋都係無反應。經過多番整証及詢問腦場專家後發現原來SFP接口最好都係駁番SFP switch… 即係又要再駛錢…最後幾經一番折騰,都係換將有10Gbe 既 RJ45 網咭俾1621+ 然後直駁入Mac 先用到。

講左咁耐,呢個故事教訓係唔好凡事相信網上既資訊,無論官方的資料還是YouTube上果啲review,都係可以噏得就噏… 電腦野都係搵番啲有専業知識或者專門發燒友求教或幫助。必要時付費也是應該的,可知該方面知識,該等人士都是花費光陰所換來。

這次特別嗚謝腦場 Ultimate 楊老闆,感謝他多番花時間幫我解決這次疑難。

Raptor 低光測試

早前在M+同時拍下了幾段低光下的footage… 在Davinci 下嘗試了將ISO及曝光拉到極限可接受的程度,再加了一點denoise。

雖然畫面雜訊始終不及A7s3, 但論層次感始終有着本身優勢。只是需要強大一點的電腦而己。

往後要再試一下更極端的情況。

Bellroy Hide & Seek 銀包後續使用報告

自2015年開始使用我的第一個Bellroy 銀之後就一直用到依家無轉過款。系網上其實都好容易會見到Bellroy既廣告,証明呢間公司一直系網絡廣告上都投下好多資源… 而每當我見到Day1 & Day1000既廣告,就不禁令我望望自己既銀包既狀態…

日日用,好難免會用得好粗,用左1000日邊可能仲咁靚架…

繼續閱讀 Bellroy Hide & Seek 銀包後續使用報告

SLR Magic Micro Primes CINE 50mm T1.2

這篇草稿其實一直都很想說一下整套SLR Magic Micro Prime的。但腦內一直都無法把我心中所想的說話組織成文字。

既然如此、我就分幾篇逐一集中地分享一下我的用後感想。

繼續閱讀 SLR Magic Micro Primes CINE 50mm T1.2